Artêşa Tirk û çeteyê wê li navçeya Cindirês a Efrînê wesayîta ku sivîl li nav dan ber topan. Di êrîşê de 8 sivîl şehîd, 12 sivîl jî birîndar bûn.

Li gorî agahiyên hatin girtin, artêşa Tirk ji bo ku hedefkirina sivîl û qetlîamên li ser wan binixumîne, cenazeyên welatiyên şehîd û birîndar birine navçeya Reyhanli ya Hatayê.

Artêşa Tirk a dagirker beriya demekê gundên Ramadiyê û Hemîlekê yên Cindirêsê bi helîkopteran bomberdûman dikir.

Nasnameya hinek ji welatiyên hatin qetilkirin ku zelal bûne wiha ne: ″Edhem Elî Îsa, Têfa Îsa, Îsa Îsa tevî jin û zarokên xwe″.

Hat zanîn ku Ev malbat ji gundê Firêrê yê herêma Cindirêsê ye û bi navê malbata Nasîf tê nasîn.

Rewşa birîndaran jî hê nehatiye zelalkirin.