Pêngava rizgarkirina Reqayê bi hemû leza xwe dewam dike. Şervanên QSD’ê yên ku roj bi roj pêşve diçin serkeftinên mezin bidest dixin. Li eniya rojhilat di navbera şervanên QSD’ê û çeteyên DAIŞ’ê de şerê dijwar qewimî, di encama şer de taxa Reşîd bi temamî hate rizgarkirin.

Di şerê li vê taxê de, 8 çete hatin kuştin, şervanan dest danîn ser çekek BKC, 2 keleş, 2 çeka B7 û 2 rextan.  Her wiha çeteyan gelek cenazeyên xwe li pey xwe hiştine.

Li taxa Reqaya Kevin jî şer bi hemû hêza xwe dewam dike. Di encamê de 9 çete hatin kuştin û gelek çete jî birindar bûn.

Li taxa Mensûr jî şerekî dijwar qewimî. Di encamê de 11 çete hatin kuştin. Wesayîteke ku doçka 12-5 li ser barkirî bû, hate rûxandin.

Li eniya Rojava jî şer derket. Di encamê de li taxa Mirûr 12 çete hatin kuştin û birindarkirin. Li taxa Nehda jî  3 çete hatin kuştin.