Navenda Ragihandinê ya YPG'ê diyar kir, şervanê wan Mahîr Îbî (Serdar Tolhildan) ê li navçeya Rimêlanê yê bajarê Girkê Legê bi erka xwe radibû, roja 1'ê Mijdarê ji ber qezayekê şehîd bû.

Daxuyaniya YPG'ê ya li ser mijarê wiha ye:

"Hevrêyê me Serdar ê li Kobanê ji dayik bû û mezin bû, bi bîr û baweriya parastina gel û welatê xwe di emrê xwe yê ciwantî de bi erka şoreşgerî ya şoreşgerî rabû. Di têkoşîna xwe ya şoreşgerî de bi vê hest û rastiyê tevgeriya û heta kêliya dawî têkoşiya.

Bila serê malbata şehîdê me û gelê me yê welatparêz sax be. Em hemû şehîdên xwe yên leheng bi rêzdarî û minetdarî bi bîr tînin. Em soz dikin ku bi dilsoziya bîranîna şehîdê xwe em ê heta azadiya gelê xwe têbikoşin."

NASNAMEYA ŞEHÎD

Li gorî daxuyaniyê, nasnameya şehîd Îbî wiha ye:

Nasnav: Serdar Tolhildan
Nav paşnav: Mahîr Îbî
Navê dayikê: Nazli
Navê bav: Mihemed
Cihê jidayikbûnê: Kobanê
Cih û dema şehadetê: Rimêlan / 1'ê Mijdara 2018'an