Navenda Ragihandinê ya QSD'ê bi daxuyaniyeke ragihand ku şervanê wan Mihemed Feysel Omer di encama qezayekê de şehîd bûye.

Daxuyaniya QSD'ê bi vî rengî ye:

''Rêhevalê me, Mihemed Omer di dema perwerdehiya leşkerî de di encama qezayekê de şehîd bû.

Tevî ku hevrêyê me yê şehîd nû tevlî hêzên me bû jî, bi rihê rêhevaltiyê yê bilind, bi talîmat û dîsîplînê ve girêdayî, bi lez û bez di pêkanîna erkên xwe de dihat naskirin.

Em ji malabata Şehîd Mihemed re sersaxiyê dixwazin, di heman demê de teqez dikin ku em ê bi biryardarî meşa şehîdan bi ser bixin, xewn û armancên wan a avakirina welatek aram û ewle bi cih bînin.

Nasnameya şehîd wiha ye:

Nasnav: Mihemed Omer

Nav û paşnav: Mihemed Feysel Omer

Cih û Dîroka jidayikbûnê: Qamişlo / 2001

Cih û Dîroka Şehadetê: Girkê Legê – 27'ê Tîrmeha 2023'an."