Bi amadebûna bi dehan kesî û malbatên şehîdan, merasîm şervanên QSD’ê Xelîl Hemadî (Fadil Hesekê) û Mihemed El- Mizel (Zagros Şemer) li Til Hemîsê destpê kir.

Cenazeyê şehîdan ji Meclîsa Malbatên Şehîdan a Qamişlo hate girtin û ber bi Goristana Şehîdan a Til Hemîsê ve ketin rê.

Li Goristanê merasîm bi deqeyek rêzgirtina şervanên QSD’ê û Hêzên Ewlekariya Hundir ve destpê kir.

Piştre fermendara Têkiliyên Giştî ya QSD`ê Ronak Tirbespiyê, endamê Komîteya Karûbarên Şehîdan a Kantona Qamişlo Îdan El-Efrînî, kurê apê şehîd Setam El-Cerba axivîn. Axaftivanan soza şopandina rêya şehîdan dan.

Di merasîmê de nasnameya şehîdan hatin xwendin û radestî malbatan hatin kirin.

Cenazeyên şehîdan bi dirûşma ‘Şehîd Namirin’ ve hatin veşartin.