Şehîdê YPG’ê Eymen Elî (Êrîş Qamişlo) yê di Pêngava Bagera Cizîrê ya ‘Şerê Tinekirina Terorê’ de şehîd bibû bi merasîmeke heybet û tevlîbûna bi sedan kesî ve ji Navenda Meclîsa Malbatên Şehîdan a Enteriyê hate girtin û li Goristana Şehdî Delîla Sarûxan spartin axê.

Merasîm bi deqeyek rêzgirtina leşkerî ve destpê kir. Piştre jî endamê Meclîsa Malbatên Şehîdan Hesen Dahir sersaxî ji malbata şehîd re xwest û got:"Em di qonaxeke hesas re derbas dibin, Tirkiyê gefên êrîşkirinê kie, divê em xwe bi rêxistin bikin û parastina herêm û destkeftiyên xwe bikin."

Fermandarên YPG`ê Mistefa Qamişlo jî sersaxî ji malbata şehîd re xwest û diyar kir ku bi berdêlên mezin xakeke berfireh ji Qamişlo bigire heta Reqa, Tebqa, Dêra Zor ji çeteyên DAÎŞ’ê rizgar kirine.

Piştre jî fermandarê QSD`ê Lewend Welat jî got:" Şerê Tinekirina Terorê li gundên Dêra Zorê di pêngavên dawî de ye, çeteyên DAIŞ`ê rojên xwe yên dawî dijî."

Li ser navê malbatê birayê şehîd, Tolhildan Qamişlo axivî û soza berdewamkirina têkoşînê da.

Di dawiya merasîmê de nasnameya şehîd hate xwendin û radestî malbatê hate kirin.

Merasîm bi qîrkirina dirûşmên ‘Şehîd Namirin’ û spartina axê ya şehîd ve bi dawî bû.