Koma çete ya bi navê ‘Cebha El-Şamiya’ ên girêdayî dewleta Tirk a dagirker di 24'ê Nîsana borî de welatiyê Êzidî Mistefa Ehmed Misto (58) revandin.

Çavkaniyeke ji Efrînê ragihand ku Mistefa Ehmed Misto ji gundê Qestel Cindo ku bavê 4 zarokan e gelek caran ji aliyê çeteyên artêşa Tirk ve rastî astengiyan hat da ku ji gundê xwe were koçberkirin. Her wiha beriya ku were revandin fidiye jê xwestin ku gihişt 7 hezar dolarên Emerîkî.

Çavkaniyan gotin, çeteyên ‘Cebha El-Şamiya’ Mistefa Misto birin girtîgeha bajarê Ezazê û çarenûsa wî ne diyar e.