Zarokê bi navê Bîlal Mengîl (16) ê roja 9'ê Îlonê li Farqînê bi fîşeka polîsên Tirk birîndar bû, li Nexweşxaneya Ozel Dunya ya Êlihê ku lê dihat dermankirin, danê vê sibehê jiyana xwe ji dest da.

Li dû otopsiya li Nexweşxaneya Dewletê ya Herêmê ya Êlihê, cenazeyê Mengîl ji bo  were veşartin ber bi warê wî Farqînê ve hat birêkirin.

Mengîl, piştî ku bi futbolê lîst, dema vedigeriya malê gule li zikê wî ketibû û bi giranî birîndar bûbû.