Li gor encamên ne fermî wê HDP’ê bi nûnertiya “Jiyana Nû” 11 parlamenteran ji Stenbolê bişîne Meclîsê.

Namzetên HDP’ê yên Stenbolê yên li Maseya Krîzê ya Herêma 3. hilbijartinan dişopînin gotin: "Serketina gelên Tirkiyeyê ye” û “Aştiyê qezenç kir.”

Pervîn Bûldan bal kişand ser êrîşên desthilatdariya AKP’ê yên di pêvajoya hilbijartinê de û got: "Tevî hemû hîleyên AKP’ê jî gelên Tirkiyeyê bend derbas kirin.”

'JIYANA BI HEV RE QEZENÇ KIR'

Garo Paylan, got: “Em bawer bikin ku tevayî partiyên siyasî ji vê encamê ders derxe.”

Alî Kenanoglu jî diyar kir dibe ku ji ber vê sedemê desthilatdarî êrîşên qirêj pêk bîne û got: “Ez bang li tevayî hevalên xwe dikim xwedî li dengan derkevin.”

Levent Tuzel jî got: “Gelê me li aştî, biratî û keda xwe xwedî derket.”

Beyza Ustun jî diyar kir ku wê ji bo avakirina aştiyê bixebitin.