Li Elmanyayê di 25’emîn salvegera qedexeya PKK’ê de li paytext Berlinê 1’ê Kanûnê (Sibê) meşek mezin bê lidarxistin. Bi dehan rêxistinên civaka sivîl pêşengiya meşê dikin û di meşê de wê qedexeya PKK’ê, polîtîkayên qutkirina azadiyan û nîjadperestî werin protesto kirin.

Tevgera Ciwanên Şoreşger bi daxuyaniyeke nivîskî banga beşdarbûna meşê li ciwanan kir. Tevgera Ciwanan bi taybet bal kişand li ser bikaranîna tankên Elman a di dagirkirina Efrînê de û wiha got; “Ciwanên Kurdistanê wê vêya jî tu caran ji bîr neke.”

Tevgera Ciwanan qedexeya PKK’ê ya li Elmanyayê jî bibîrxist û wiha got; “Li Elmanyayê ev 25’ê sal e lid ijî gelê Kurd qedexeya PKK’ê weke çekekê tê bikaranîn û ev berhema vê hişmendiyê ye. Elmanya û DYA ku pêşengên têkoşina azadiya Kurdistanê weke ‘terorîst’ bi nav dike û bi vekirî hevkariya xwe ya bi dewleta Tirk re didin diyarkirin.”

Tevgera Ciwanên Şoreşger di dawiya daxuyaniyê de wiha got; “Em ê destûr nedin ku faşîzma Tirk li Elmanyayê were pêkanîn. Em bang li hemû ciwanên enternasyonalîst û Kurdistanê dikin ku beşdarî meşa 1’ê Kanûnê ya li Berlînê ya li dijî qedexeya PKK’ê bibin û li her derê li dijî faşîzmê serî hildin.”