Tevgera Jinên Azad (TJA) îro têkildarî girtina buroyên Tevgera Azadî ku li Herêma Kurdistan a Federal kar dike, daxuyaniyek nivîskî weşand.

Di daxuyaniyê de hate ragihand ku hêzên mêtînger li dijî gelê Kurd bûne yek û wiha hate gotin; “Roj roja yekîtiya gelê Kurd û bihêzkirina berxwedana sedsalê ye.”

‘LI DIJÎ DAGIRKERÎ Û ÎXANETÊ EM BIBIN YEK’

Di dewama daxuyaniyê de wiha tê gotin; “Beriya niha li Bakur, Rojhilat û Rojavaê Kurdistanê em bi gelek saziyên jin re û ji bo yekîtiya netewî ya Kurd civiyan. Di gotubêjên hatin kirin de fîkrê hevbeş a derketî holê sazî û komeleyên Kurd bi fikir û hizrên cûda derketin. Ev jî zenginiya Kurdan e. Em TJA jî vê bangê dikin; Li dijî îxanet, dagirkerî û hovitî û êrîşên li dijî Tevgera Azadî têbikoşin û liberxwe bidin. Divê berî demekê PDK, YNK û aliyên demokrat vê mohrê hilweşînin. Li dijî dewletên ku êrîşî azadiya Kurd dikin em bibin yek.”