Înîsiyatîfa ji Girtiyên Nexweş re Azadî ji bo balê bikişînin ser rewşa girtiyên nexweş, di hefteya 456’emîn de li ber avahiya ÎHD’ê ya Enqereyê kom bûn. Parlamenterê Partiya Çepên Kesk ê Colemêrgê Vezîr Parlak û gelek kes tevlî çalakiyê bûn. Di çalakiyê de pankarta “Tedawî maf e nayê astengkirin, bila girtiyên nexweş bên berdan” hat vekirin. Rêvebera Navenda ÎHD’ê Nûray Çevîrmen daxuyanî da û bal kişand ser rewşa girtîgehan.

Çevîrmen destnîşan kir ku ji ber sedema ku lêgerîna nava devê girtiyan gelek girtî sewqî nexweşxaneyan nayên kirin û bal kişand ser rewşa girtiyê bi navê Habîl Emen ê li Girtîgeha Afyonê ya Tîpa T’yê tê ragirtin. Çevîrmen da zanîn ku salên direj in Emen li girtîgehê bi nexweşiyan re têdikoşe û di pişta wî de platin hene û jana giran dide pişta wî. Çevîrmen anî ziman ku li gel êşa giran jî kontrola Emen nayê kirin û ji ber pandemiyê demek dirêj nebirine nexweşxaneyê û dema sewqa bo nexweşxaneyê dest pê kir carna bêyî ku hincet nîşan bidin jî sewqa wî nayê kirin û wî nabin nexweşxaneyê. Çevîrmen anî ziman ku li gel divê Emen bê emeliyatkirin jî lê nabin nexweşxaneyê û nexweşîna wî lê giran dibe.

Çevîrmen xwest Emen demildest were tedawîkirin û astengiya li pêşiya tedawiya hemû girtiyan bê rakirin.