Serketina HDP'ê ya di hilbijartinên giştî de, li bajarên cuda yên Ewropayê tê pîrozkirin.

NURNBERG: Li Vîlla Leon a bajarên Elmanya Nurnbergê, pêkhateyên HDP'ê û Kuridstanî civiyan û bi coşeke mezin derbasbûna HDP'ê ji bendê pîroz kirin.

DEN HAAG: Li bajarê Hollanda Den Haagê, encamên hilbijartinê li Navenda Civaka Demokratîk a Kurd, hat şopandin. Girseya gel a li vê derê dirûşmên "Em HDP li Meclîsê" diqîrin.

LÎNZ: Li bajarê Awûstûrya Lînzê, serketina HDP'ê ya hilbijartinê hat pîrozkirin. Girseya gel bi konvoya ji wesayîtan, serketin pîroz kir.

BÎELEFELD: Li bajarê Elmanya Bîelefeldê hejmareke zêde mirovên ji gel û baweriyên cuda, piştî serketina HDP'ê dest bi pîrozbahiyan kirin. Girseya gel li Meydana Keselbrîngê civiya û bi gerandina govendê serketina HDP'ê pîroz dike.

DRESDEN: Li bajarê Elmanya Dresdenê, gel dest bi pîrozbahiyan kir. Serketina HDP'ê bi Elmanan re tê pîrozkirin.

FRANKFÛRT: Li bajarê Elmanya Frankfûrtê jî, bi qasî 300 kes li ber dahol û zirneyê li Navenda Civaka Demokratîk a Kurd kom bûn û bi gerandina govendê serketina HDP'ê pîroz kirin. Girseya gel bi konvoyeek ji 100 wesayîtî ket hundirê bajêr û li Kostablerwache dest bi pîrozbahiyan kir.

HAMBÛRG: Li bajarê Elmanya Hambûrgê, HDP'yiyan bi aşkerabûna encamên destpêkê yên hilbijartinê re kêfxweşiya xwe bi gerandina govendê nîşan dan. Bi sedan kesî li ber dahol û zirneyê govend gerandin û fîşekên hewayî teqandin. Girseya gel dirûşmên "Bijî Serok Apo" û "Şehîd Namirin" qîriya.