Merasîma bîranînê li Mala Kurdan a li Bonnê ji aliyê Navenda Civaka Demokratîk a Kurd û PYD-Bonnê ve hat organîzekirin.

Beriya pêşkêşkirina lîstika şano ya ji heyşt perdeyan, şanoger û derhêner Emele li ser şehîdan, Hefteya Lehengiyê û Şanoyê axivî. Emele da xuyakirin, ku di encama têkoşîna dehan salan a şehîdan de înkarkirina Kurdan ji holê hatiye rakirin û got, "Afirînerên van rojan ev leheng in. Şehîd Hêvî û Şehîd Yekta jî bi pênûs, huner û afirîneriya xwe ya li vê qadê re, şoreş xurtir kirin."

Piştre Koma Şano ya Sewiya Kurd a ji ciwanên li derdora Koln û Bonnê dijîn, bi derhêneriya Emele, lîstikên xwe pêşkêş kir. 

Şehîd Yekta (Erdogan Kahraman) di sala 2004'an de li Helebê di 27'ê Adarê de bedena xwe dabû ber agir. Hunermendê şanoyê, nivîskarê senaryoyê gerîla Hêvî (Gafûr Dogan) jî dema diçû festîvaleke şano ya li Kerkûkê ji ber qezaya trafîkê şehîd ketibû.