Li bajarê Lefkoşe yê Kibrisê Sefaretxaneya Îngîlîz ji aliyê komek ciwanên Kurd ve hate dagirkirin.

Li gorî agahiyên hatine bidestxistin saet li dora 10.30’î nêzî 40 Kurd, ketine Sefaretxaneya Îngîlîz û çalakiya dagirkirinê pêk anîne. Li dora avahiyên polîsan tedbîrên ewlehiyê girtin û hêzên taybet hatin bicihkirin. Cîgirê sefaratxaneyê di avahiyê de hevdîtina bi çalakgeran re qebûl kir. Çalakgeran diyar kir ku divê ji bo Kobanê bikevin nava tevgerê û daxwaz kirin ku çekan bidin hêzên Kurd.

Nûçegihana dildar Denîz Çagdaş ê li qadê nûçe dişopand hate binçavkirin. Ciwanên dora avahiyê jî diyar kirin ku heta Çagdaş neyê berdan wê ji wir neçin û çalakiya xwe berdewam kirin. Polîsan Çagdaş berda.

Li aliyê din jî roja Sêşemê li ber Parlamentoya Kibrisê bi dehan ciwanî çalakiya nobetê da destpêkirin û çalakî îro jî didome.