Kurdistaniyan gul û qurnefîl danîn meydana Gûstaf Adolf Torg ku Saglamgoz bedena xwe lê dabû ber agir.

Hevserokê Navenda Civaka Demokratîk a Kurd a Goteborgê Abdullah Devecî li merasîma bîranînê axivî, qala jiyana Saglamgoz kir û bal kişand ser têkoşîna ku mezin bûye.

Girseya gel piştre çû ser gora Saglamgoz û li vir ew bi bîr anî.

Di şexsê Saglamgoz de ji bo bîranîna hemû şehîdên têkoşîna azadiyê deqeyek rê hate girtin û piştre nameya Saglamgoz a ji bo Rêberê Gelê Kurd Abdullah Ocalan nivîsandibû hate xwendin.

Merasîma bîranînê, ku hunermend Hozan Fîgen jî klam got, bi qasî saetekê dewam kir.

Bîranînê li Komeleya Jinên Kurd a li Goteborgê dewam kir.

Zaxê Dogan bi navê Meclîsa Jinê ya Sêvê axivî û hin beşên nameya Saglamgoz xwend.

Aktîvîst Jînda Nûrhak jî got, "Xeta berxwedanê ya ji aliyê Saglamgoz û hemû şehîdên şoreşê ve hate afirandin, roj bi roj mezin bûye û gihîştiye serdema heyî."