Civîna çapemeniyê ji aliyê saziyên Malên Gel, Federasyona 78'an a Şoreşger, Şaxê Enqereyê yê ÎHD'ê ve hate lidarxistin û li Navenda Giştî ya Malên Gel pêk hat.

Helbestvan Ahmet Tellî daxuyanî da û nerazîbûn nîşanî destgîrkirinê û qeyûman da.

Tellî got, "Qeyûmê ku ji aliyê feraseta ku welat xistiye nava çirava şer ve hate tayînkirin, destpêkê li pêşiya Şaredariya Qersê nimêja fethê kiriye" û destnîşan kir ku yên nimêja fethê kirin dewama 12'ê Îlonê ne.

Tellî diyar kir ku tayînkirina qeyûman nêzîkatiyeke hiqûqî, exlaqî û wijdanî nîne û got, "Em vê ferasetê bi tundî şermezar dikin. Di serî de Şaredarê Qersê divê hevşaredar, parlamenter, endamên meclîsa şaredariyê û endam û rêveberên Meclîsa Partiyê ya HDP'ê yên dîl hatine girtin divê tavilê bên berdan û wezîfeya wan li wan bên vegerandin."