Xelata Olof Palme ya 2013’an li Parlamentoya Swêdê bi merasîmekê pêk hat û xelat hêjayê parêzvana Mafê Mirovan a Jinan û Mirovên Tûnisî Radhia Nasraoui û parêzerê ji Erebîstana Siûdî, mafparêzê mirovan Waleed Samî Abu Alkhaîr hat dîtin. Di nava kesên tevli merasîmê bibûn de hevserê Nasraouin, Hamma Hammami ku sekreterê giştî yê Partiya Kedkarên Tûnisê jî hebû.

Hammamî pirsên me yên der barê geşedanên welatên ereb û Tûnisê de bersivand û serhildanên li Tûnis û Misirê wek şoreşê bi nav kir û diyar kir ku li her du welatan jî ji bo azadî û demokrasiyê têkoşîn didome. Hammamî destnîşan kir ku tevgera Tûnisê tu eleqeya wê bi hêzên emperyalîst tune û got ev şoreş û serhildaneke rastîn ya gel e. Hammamî wihagot: “ Gelê Tûnisê di bin bandora tu hêzên derve de nemaye û bi înstiyatîfa xwe rejîm hilweşand. Piştî hilbijartinan hikûmeteke paşverû ya bi îtîfaqa lîberal û îslamî pêk hat. Lê vê hikûmetê reformên gel daxwaz dikir, pêk neanîn û ji ber têk çûn. Gel piştgiriya xwe jê birî.

Hammamî da zanîn ku pêvajoya şoreşê hêj didome û got têkoşîn di navbera hêzên bermahiyên dîktatoriyê û partiyên paşverû yên Selefî û Îslamî, yên ne demokratîk de didome. Hammamî got ku ji bo pêvajo di alî hêzên demokratîk de baş be ev şert û merc hebin:

“Li Tûnisê şoreş didome. Ji bo azadî û mafên gelan têkoşîn didome. Şoreş dê bikeve asteke nû. Ev dê şoreşeke civakî be. Hilbijartinên meha adarê dê karê hêzên demokratîk û yên kedkar hêsan bike. Du texmîn hene. Di hilbijartinan dê hikûmeta Ennahda têk biçe û hêzên demokratîk bi serkeve. Texmîna duyemîn jî eve ku dibe ku leşker bêzariya gel û krîzê bi kar bîne û têkeve hewldana krîzê. Partiya li dijî hewldanê niha din ava gel de xebatê dimeşîne.”

Hammamî da zanîn ku piştî Zeynel Abîdîn bîn Alî ji welat derket û şûnde hêzên welatparêz, şoreşger û pêşveçûyî nekaribûn bi endamên hevpar bikevin hilbijartinan, lê niha asta ku hatinê di navbera wan de kosesusek hatiye avakirin.

Hammamî wiha dirêjî da axaftina xwe: “çend meh berê 10 partî hatin cem hev û Eniya Gel avakirin. Ligel partiyan rêxistinên kedkaran jî cih digirin. platforma kum e avakiriye niha li Tunê 3’emîn hêza mezine. Di hilbijartinên berê de me wekê Partiya Komunîst a Karkerên Tûnisê li kursî li parlamentoyê bidest xist. Em bawerin ku vê carê em wekê Eniya Gel dê 5 kat zêdetir bin.

Hammamî bal kişand ser geşedanên Rojhilata Navîn û got pevçûna li Sûriyeyê di navbera du hêzên paşverû de pêk tê û got yek Rejîma Esad û ya din jî Emperyalîzma DYA û yê maşeyên herêmê Tirkiye, Erebîstana Siûdî û Qeterê , yanî Artêş Azad ya Sûriyeyê ku ji van piştgiriyê dibîne ye.

Hammamî wiha got: “Ev pevçûn ne mumkune ku bi demokratîkbûnê çareser bibe. Divê em çareseriyê di hêzên şoreşger û pêşveçûyî de bigerin. Divê gelê Sûriyeyê ji bo aştiyê zextê li van hêzan bikin. Polîtîaya tirkiyeyê ya der barê Sûriyeyê de ji emperyalîzm û siyonîzmê re xizmetê dike. Divê gelên Tirkiyeyê ji bo berjewendiyên gelên Sûriye û Tirkiyeyê xizmetê bike û li dijî vê polîtîkayê xizmetê bikin.”

Hammamî da zanîn ku ew piştgiriyê didin têkoşîna gelê kurd ya mafdar û her wiha qetilkirina 3 jinên kurd jî wekê sûcê mirovahiyê bi nav kir.