Li navçeya Agirî Bazîdê ciwanê bi navê Erhan Tanrikûlû (28), duh bi şev saet di 23:30 de dema bi wesayîtê diçû mala xwe li ber mala xwe ya li kêleka Qereqola Polîsan a Ûlûyol a li Taxa Ehmedê Xanî ji aliyê tîmên tevgera taybet ve hat sekinandin.

Tanrikûlû nerazîbûn nîşanî polîsan da û got, "Ez diçim mala xwe, hûn çima min disekinînin?" Piştî nîqaşê Tanrikûlû careke din li wesayîta xwe siwar bû û dema bi rê diket, polîsan gule li wesayîta wî reşandin û Tanrikûlû qetil kirin.

Cenazeyê Tanrikûlû rakirin Saziya Tipa Edlî ya Erzîromê. Malbat wê cenaze werbigire û li Bazîdê veşêre.