Ji ber êrîşên çeteyên DAIŞ ên li hember Kobanê ku duh danê êvarî zêde bûn, bi hezaran kesên li paytexta Elmanya Berlînê kom bûn xwestin bi Wezîrê Karên Derve Frank-Walter Steinmeier re hevdîtinê pêk bînin. Çalakvanan xwestin Elmanya û YE bilez mudaxeleyî Kobanê bike.

Êrîşên çeteyên DAIŞ ên li hember Kobanê ku duh danê êvarî zêde bûn Kurdên li paytexta Elmanya Berlînê dijîn li qada Brandenburg Tor a li nêzî Meclîsa Federal kom bûn.

Çalakvanên ku bi armanca Wezîrê Karên Derve Frank-Walter Steinmeier re hevdîtinê pêk bînin xwestin ber bi avahiya Wezareta Karên Derve ve bimeşin ji aliyê polîsan ve hatin astengkirin.

Çalakvan li ser yekê ber bi qada Alexenderplatz a navenda bajêr meşiyan. Çalakvanan bêdengiya hikûmeta Merkel a li hember Kobanê şermezar kirin.   

Çalakvanên saet nêzî 02.00'an gihiştin qada Alexenderplatz, li wir ku ji bo Kobanê banga hestariyê kirin û şûnde belav bûn.

Îro saet 10.00’an jî wê Kurdistanî vê carê li berMeclîsa Federal ji bo Kobanê xwepêşandaneke girseyî pêk bînin.