Li Amedê, polîsên rûyê xwe bi maskeyê girtibûn danê sibê avêtin ser mala xebatkarên jin ên Gun TV lê dimînin û xebatkara TV Kubra Soylemez kirin bin çavan. 

Li Amedê, mala xebatkarên jin ên Gun TV lê dimînin, saet di 03:00 de rastî serdegirtina polîsên tevgera taybet hat. Zêdeyî 25 polîsan avêtin ser malê û deriyên avahî û malê şikandin. Polîsan di dema serdegirtinê de berê tivingê dan serê xebatkaran û bi qasî 3 saetan li malê lêgerîn kirin. Polîsan, xebatkara TV Kubra Soylemez bi hinceta dozeke berê kirin binçavan. Soylemez birin Midûriyeta Emniyetê ya Amedê û tê payîn ku îro sewqî Dozgeriya Komarê ya Amedê bê kirin.