Di standê de ku pirtûkên Rêberê Gelê Kurd Abdullah Ocalan tê de cih digirin, posterên qasidên aştiya dinyayê yên Gandî, Mandela û Ocalan hatin vekirin.

Di bernameyê de li ser navê Meclîsa HDK-E’yê Necatî Abay axivî, Abay komplo şermezar kir û got, ‘’Birêz Abdullah Ocalan ne tenê rêberê gelê Kurd lê her wiha hevrêyê gelên Tirkiyê û Rojhilata Navîn e. Em dixwazin ku Ocalan û hemû girtiyên azadiyê di demeke nêzîk de ji hêla fizîkî ve azad bibin.’’

Parlamenterê Dîe Lînke Gokay Akbulut jî got, ew dixwazin hevkariya gemarî ya Elmanya bi Tirkiyê/Erdogan re bi dawî bibe û got, ‘’Em tim li pişt Abdullah Ocalan û girtiyên siyasî bin û em dixwazin ku Elmanya firotina çekan a ji bo Tirkiyê demildest rawestîne.’’

Otobûsa pirtûkxaneya Ocalan saet 15.00’an ji Stûttgardê veqetiya û ber bi Salzbûrg a Avûstûrya ve çû.

Piştre komîteya Stûttgardê bi komên hevgirtinê yên Nav-Dem Baden Wurttembergê bi hev re saet 15.30’An ji partiyên FDP, Grunen, CDU û SPD’ê re derbarê kampanyaya ji bo azadiya Abdullah Ocalan agahî dan, xebatên Ocalan hatin danasîn û hr wiha pirtûkên Ocalan ên di vê derbarê de hatine danasîn.

Dosyayek derbarê tecrîda girankirî ya li ser Ocalan jî dane rayedaran.