Bi wesîleya salvegera 39. a damezrandina PKK'ê, li gelek welatan pîrozbahî hatin lidarxistin. Di pîrobahiyan de Rêberê Gelê Kurd Abdullah Ocalan û PKK hatin silavkirin.

BREMEN: Li bajarê Bremen ê Elmanyayê, bi beşdariya bi sedan kesî pîrozbahiyek hate lidarxistin. Di çalakiyê de wateya PKK'ê ji bo gelê Kurd û bandora wê ya li Rojhilata Navîn hate nirxandin û tecrîd hate şermezarkirin. Di pîrozbahiyê de Koma Zarokan a Aram Tîgran, Koma Siyabend, Ayfer Duztaş, Dilovan, Xalig Agirî derketin ser dikê û hunera xwe nîşan dan.

BONN: Şeva li bajarê Bonn ê Elmanyayê jî bi deqeyeke rêzgirtinê ji bo bîranîna Delal Amed û hemû şehîdên têkoşîna azadiyê dest pê kir. Hevserokê Meclîsa Gel a Bonnê Ahmet Mardîn li vir axivî û diyar kir ku PKK'ê Kurd zindî kir û îro jî ji bo rizgariya gelên Rojhilata Navîn bi rola pêşengiyê radibe. Di şevê de Koma Rojava, Ozlem Baglayan, Rotînda, Hozan Ahmet û Hozan Hêvîdar derketin ser dikê.

MANNHEÎM: Li bajarê Mannheîm ê Elmanyayê, Navenda Civaka Demokratîk a Kurd û Meclîsa Jinê ya Ronahî Bêrîvan, bi wesîleya salvegera damezrandina PKK'ê pîrozbahiyek organîze kirin. Nûnera Meclîsa Jinê li vir axivî û got, "Sala 40. wê bibe sala azadiya Rêber Apo." Parlamenterê Şirnexê yê HDP'ê Faysal Sariyildiz jî tevlî pîrozbahiyê bû û axivî. Di pîrozbahiyê de ku zêdeyî hezar kes lê amade bûn Xelîl Xemgîn, Kawa, Ozan Sosin, Koroya NCK, Ozden û Ûmûda Haykiriş hunera xwe nîşan dan.

STÛTTGART: Pîrozbahiya li Stûttgartê jî li Salona Çandê ya Arena pêk hat û bi sedan Kurdistanî û dostên wan tevlî bûn. Qisekeran salvegera damezrandina PKK'ê li Rêberê Gelê Kurd Abdullah Ocalan, şervanêna zadiyê û tevahiya gelê Kurd pîroz kirin. Di beşa çandê de jî Koma Can Welat, Hunermend Bêrîvan Arî, Silbus û Tarî û Serhedo derketin ser dikê. Peykertraş û wênevan Dogan Demîr jî portreya Ocalan û wêneyên gerîla yên bi taybetî ji bo şevê amade kiribû, li salona şevê daliqand.

ESSEN: Pîrozbahiya li bajarê Essenê ji aliyê Meclîsa Jinê ya Bêrîvan Şengal û Meclîsa Gel a Şengalê ve hate organîzekirin. Di pîrozbahiyê de ku bi sedan Kurdistanî tevlî bûn, sînevîzyona ji axaftina Hevserokê Konseya Rêveber a KCK'ê Cemîl Bayik hat nîşandan. Piştre hunermend Awaz û Deng, Hozan Serdar, Koma Şehîd Welat, Bulet Tûran û Hozan Canê derketin ser dikê.

MARSÎLYA: Kurdistaniyên li bajarên Marsîlya û Marîgnane yên li Başûrê Fransayê dijîn, salvegera 39. a damezrandina PKK'ê bi şahiyekê pîroz kirin. Beşdarên pîrozbahiyê li ber stranên Hozan Comert û Hozan Diyar govend gerandin. Li salona şevê ku zêdeyî hezar kes lê amade bûn pankarta bi nivîsa "Dawî li tecrîdê bînin, azadî ji Ocalan re" hate daliqandin. Koroya TEV-ÇAND'ê ya Marsîlyayê û koma govendê ya Arîn Mîrkan jî hunera xwe nîşan dan.

DRAGÛÎGNAN: Li bajarê Dragûîgnan ê Fransayê, Kurdistaniyan bi şevekê salvegera damezrandina PKK'ê pîroz kirin. Li dû deqeyeke rêzgirtinê, siyasetmedarê Kurd û Hevserokê HDK-Fransayê Îbrahîm Seydo Aydogan axivî. Aydogan destnîşan kir ku PKK ji bo Kurdan Û gelên Rojhilta Navîn veguheriye hêviyê. Di pîrozbahiyê de Farqîn Azad û Zozan Zûdem derketin ser dikê û hunera xwe pêşkêş kirin.

TORONTO: Salvegera damezrandina PKK'ê li bajarê Toronto yê Kanadayê hate pîrozkirin. Gelek Kurdistanî û dostên wan tevlî pîrozbahiya li Navenda Civaka Demokratîk a Kurd bûn. Di şexsê Delal Amed de hemû şehîdên têkoşîna azadiyê ya Kurdistanê hatin bîranîn. Piştî ku peyama Hevserokê Konseya Rêveber a KCK'ê Cemîl Bayik hat xwendin Ûmût Zafer û Grûp Pera derketin ser dikê.