Parêzerên Rêber Apo bi daxwaza hevdîtinê serî li Serdozgeriya Komarê ya Bûrsayê û Midûriyeta Girtîgeha Îmraliyê dan.

Serlêdan ji aliyê parêzerên Buroya Hiqûqê ya Sedsalê Sûzan Akîpa, Emran Emekçî, Cengîz Yureklî û Îbrahîm Bîlmez ve hate kirin.

Parêzeran bi heman daxwazê ji bo muwekîlên xwe yên din ên li Îmraliyê Omer Hayrî Konar, Hamîlî Yildirim û Veysî Aktaş jî serlêdan kirin.

Serlêdanên parêzeran bi salan bê bersiv têne hiştin. Dadgeha Înfazê ya Bûrsayê jî car carna bi derengî bersivê dide û bi hinceta 'cezayên dîsîplînê' bi rengekî kêfî û rêk û pêk hevdîtina parêzeran 6 mehan carekê qedexe dike.