Rêberê Gelê Kurd Abdullah Ocalan ku bi birayê xwe Mehmet Ocalan re li Îmraliyê hevdîtin pêkanî, da diyarkirin ku tu eleqeya me bi vê paketê re tune ye û wiha got: “Di vê merheleyê de tiştekî ez bikim tune ye. Ez dê 15’ê Cotmehê fikrên xwe aşkera bikim.”

Birayê Rêberê Gelê Kurd Abdullah Ocalan Mehmet Ocalan û xwişka Şêxmus Poyraz Felek Cizlamaz, kurê wî Mazlûm Poyraz û neviyê wî yê 2,5 salî Harûn Poyraz,  serwêrisa Cûmalî Karsû Pervîn Odûncû, bi boneya xizmên xwe re hevdîtinê li Girtîgeha Tîpa F a Girava Îmraliyê pêk bînin, serê sibê çûn Îmraliyê.

Malbatên ku serê sibê hatin navçeya Gemlikê piştî li Fermandariya Cendirmeyan a Gemlikê di kontrola cendirmeyan re derbaz bûn. Ji ber ku destûr nehat dayîn ku Harûn Poyroz bişînin Îmralî xwişka Poyraz Felek Cizlamaz jî neçû Îmraliyê. Mehmet Ocalan, Mazlûm Poyraz û Pervîn Odûncû çûn Îmraliyê û piştî hevdîtin pêk anîn vegeriyan Gemlîkê.

Li ser navê malbatan Mehmet Ocalan daxuyanî da û wiha got: "Min berê jî got yê pêvajoyê dimeşîne BDP ye. Birayê min Ocalan, gotibû 'Tu eleqeya me û pakêtê bi hev tune ye. Ev pakêt ji aliyê hikûmet û dewletê ve hatiye amadekirin. Di van şert û mercan de tiştekî ez bikim tune ye. Ez dê fikr û ramanê xwe di 15'ê Cotmehê de parve bikim' Tiştê ku bi me re parve kir ev bû."