Partiya Azadiyê ya Mezopotamyayê (MOP) daxuyaniyeke nivîskî da û got, "Bi navê gelê Asûrî/Suryanî/Keldanî em salvegera 40'î ya damezrandina PKK'ê pîroz dikin, gelê Kurd ê fedakar silav dikin û di şexsê kadroyê lîder ê enternasyonalîst Hakî Karer de hemû şehîdên şoreşê bi rêzdarî bi bîr tînin."

'MEJIYÊ MÊTINGERIYÊ PARÇE KIR'

Di daxuyaniyê de hate ragihandin, dîroka tarî bi avabûna PKK'ê re êdî guherî û hate gotin, "Pêşketinên erênî ku PKK'ê li her qada jiyanê ya gelê Kurd afirand, bûn sedem ku gelên din pê bawer bin û di serdema heyî de bûye stêrka azadiyê. Bi taybetî, zîhniyeta civaka demokratîk ku li dijî kapîtalîzm, feodalîzm, Îslama siyasî, şovenîm, neteweperestî û mezhebperestiyê weke alternatîf afirand, mejiyê sîstema mêtinger parçe kir. Ji bo jiyana bi hev re, wekhev, azad û demokartîk a civakan, perspektîf pêşkêş kir."

'BIRYARA DYA'YÊ LI DIJÎ AZADIYA GELAN E'

MOP'ê diyar kir, gelê Asûrî/Suryanî/Keldanî jî sûd ji PKK'ê wergirtiye û got, "Biryara ku DYA'yê li dijî kadroyên pêşeng ên PKK'ê Cemîl Bayik, Mûrat Karayilan û Dûran Kalkan wergirtiye, biryareke li dijî îradeya azadiyê ya gelan e."