Meşa Meclisa Ciwanên Partiya Wekhevî û Demokrasiyê ya Gelan (DEM Partî) a bi dirûşmeya "Em bi civaka demokratîk ber bi azadiyê ve dimeşin" ji Amedê ber bi gundê Amara yê navçeya Xelfetî ya Rihayê ve, li navçeya Pirsûs a Rihayê dewam dike.

Meşvanên Amarayê ku di saetên siharê de li Sewreg û Cûrnê Reşê meşiyan, li Pirsûsê jî bi dirûşmeya “Bijî Serok Apo” meşiyan.

Xelkê Pirsûsê meşvanan li têketina Taxa Alîgorê pêşwazî kirin. Parlementerên Partiya Demokrasî û Wekheviyê ya Gelan (DEM Partî) Zekî Îrmez, Onur Duşunmez, Bêrîtan Guneş, Dîlan Kûnt Ayan û Ferît Şenyaşar, Meclîsa Dayikên Aşîtiyê ya Rihayê, rêxistinên DEM Partî û Partiya Herêmên Demokratîk (DBP) ya navçe û bajêr jî piştgirî dan girseyê.

Meşvanên Amarayê li Pirsûsê ku yek ji navçeyên sembola berxwedana Kobanê ye, gelek caran îşaret bi Şoreşa Rojava kirin.

Ciwanan ji têketina Taxa Alîgorê heta têketina navçeya Pirsûsê bi dirûşmeyên "Bijî Serok Apo" û "Bijî berxwedana Rojava" meşiyan. Meş bi dirûşmeyan bi dawî bû.