275 ciwanên Minbicê, îro dewreya xwe ya bi navê Şehîd Îlyas Ebû Betûş li Akademiya Şehîd Fermandar Feysel Ebû Leyla bi dawî kirin. Şervanan di dewreya ku 3 mehan dom kir de perwerdeyên leşkerî û bîrdozî dîtin.

Hevserokê Komîteya Parastinê ya Minbicê Ednan Ebû Emced û Fermandarên Meclîsa Leşkerî ya Minbicê di merasîma bidawîbûna dewreyê de amade bûn.

Şervanan destpêkê merasîmekî leşkerî lidar xistin. Paştre jî Ednan Ebû Emced axivî û bang li tevahî şervanan kir ku li dijî hewildanên hêzên dixwazin destkeftiyên pêkhateyên herêmê têk bibin têkoşîna xwe xurt bikin.

Piştî axaftin bi dawî bû, şervanan sonda leşkerî xwarin û soz parastina Minbicê û Bakurê Sûriyê dan.

Di dawiya merasîmê de şervanan li ber stranên gelerî govend gerandin.