Fermandarê Giştî yê Hêzên Sûriyeya Demokratîk (QSD) Mazlûm Ebdî, li ser medya dîjîtal daxuyaniyek da û got: “Em dilsoziya xwe ya bi agirbesteke berfireh a li Sûriyeyê didomînin, di heman demê de em amade ne li Kobanê pêşniyara avakirina herêmeke bêyî leşkeran bikin”

Di berdewama daxuyaniya Fermandarê Giştî yê QSD’ê Mazlûm Ebdî de wiha hate gotin: “Em biryardariya xwe ya ji bo pêkanîna agirbesteke berfireh a li seranserê Sûriyeyê careke din diyar dikin. Di vê çarçoveyê de em radighînin em amade ne li bajarê Kobanê careke din bi belavkirina hêzên ewlehiyê di bin çavdêrî û hebûna DYE’ê de ji bo avakirina herêmeke bêyî leşkeran pêşniyar bikin. Ev hewldan armanc dike ku fikarên ewlehiyê yên Tirkiye ji holê rake û li herêmê aramiya mayînde pêk bîne.”