Ji bo Serokê Giştî yê berê yê Komaleya Mafên Mirovan (İHD) Husnu Ondul ê ku di encama krîza dil de jiyana xwe ji dest da, li Odeya Endezyarên Avahisaziyê merasîma bibîranê hat lidarxistin.

Malbata Ondul, Hevseroksa Giştî ya Partiya Wekhevî û Demokrasiyê ya Gelan (DEM Parti) Tulay Hatîmogullari û parlamenterên DEM Partiyê, Endamên Desteya Rêvebirina Navendî, Parlamenterê Partiya Gel a Komarê (CHP) Sezgîn Tanrikûlû, Hevserokên Giştî yên IHD'ê û endamên MYK'ê, nûnerên rêxistinên civakên demokratîk û gelek parêzvanên mafên mirovan beşdarî bibîranînê bûn.

Cenazeyê Ondul, piştî merasîma bibîranînê li Goristana Karşiyakayê hat spartin.