Bi wesîleya 19’emîn salvegera windakirina Fehmî Tosun malbatê ji bo fail bên dîtin, li Birca Galata çalakî li dar xistin. Malbatê xwest failên Fehmî Tosun bên dîtin û darizandin.

Malbata Fehmî Tosun ê di 19’ê Cotmeha 1995’an de ji mala xwe ya Avcilar a Stenbolê hat wergirtin û careke din tu agahî jê nehatin girtin ji bo fail bên dîtin, îro li Birca Galata çalakiyek li dar xist.

Malbata Tosun li girê bircê pankarta, “Me Fehmî Tosun ê di 10’ê Cotmehê de hat binçavkirin ji bîr nekir, ji bîr nakin” daliqandin. Malbatê got ku heta qatil hesab bidin wê dest ji dozê bernedin.

Parêzer Eren Keskîn û parêzvana mafê mirovan Leman Yurtsever jî piştgirî da çalakiyê.