Meclîsa Şengalê ya li Derveyî Welat (MŞD), li ser binçavkirina Hevserokê berê yê PYD'ê û Berpirsyarê Têkiliyên Karên Derve yê TEV-DEM'ê Salih Muslim daxuyaniyeke nivîskî weşand û binçavkirina wî şermezar kir.

Di daxuyaniyê de hate bibîrxistin ku bi pêşengiya PYD, YPG/YPJ'ê bi deh hezaran Êzidî sala 2014'an ji hovîtiya DAÎŞ'ê hatin rizgarkirin û hê jî rêveberiya Bakurê Sûriyeyê xwedî li wan derdikeve.

MŞD'ê kuştina 3 jinên şoreşger li Parîsê, êrîşên dewleta Tirk ên li ser Efrînê û herî dawî binçavkirina Salih Muslim li paytexta Çekya Pragê weke dewama komploya navneteweyî ya 15'ê Sibatê bi nav kir û ragihand, welatên Ewropayê li gorî berjewendiyên xwe çavên xwe li komployên li ser Kurdan digirin.

MŞD'ê destnîşan kir ku Ewropa ji nirxên demokrasiyê dûr ketiye û xizmetê ji dîkattorê hov Tayyîp Erdogan re dike ku îro bi çeteyên xwe êrîşî Efrînê dike.

MŞD'ê bang li rêveberiya Pragê kir ku demildest Muslim serbest berde.