Çalakiyên ku ev sê roj in ji bo piştevaniya Kobanê pêk tên tevahiya şevê berdewam kirin û ji ber salvegera Komploya 9’ê Cotmehê gelê Wanê dikanvenekirin. Waniyan îro kontax jî girtin.

Bi rojane li kolanên Wanê ji bo xwedîderketina li berxwedana Kobanê çalakî berdewam dikin û her wiha bi armanca ku Komploya 9’ê Cotmehê protesto dikin îro jî çalakiya xwe berdewam dikin.

Li Cadeya Cumhuriyetê wê ji bo 9’ê Cotmehê daxuyaniyek bê dayîn û bê protestokirin.
Ji ber bûyerên pêk hatin li Wanê dorpêça jendermeyan û polîsan didome. Li hemû kolan û cadeyên bajar polîs û jenderme hatine bicihkirin.