Li bajarê Elmanya Waîblîngenê, rêveberê 'Komeleya Freunde helfen Freunden' rojnamevanê Elman Mîlz ê bajarên Bakurê Kurdistanê ziyaret kir, tevlî panelê bû.

Seroka Komeleya 'Freunde helfen Freunden' (Alîkariya ji hevalan ji bo hevalan) Aygul Aras û rêveberê komeleyê rojnamevan Thomas Mîlz di meha Kanûnê de ji Waîblîngenê alîkarî bir ji Kurdistanê re. Rojnamevan Thomas Mîlz û Aygun Aras ên di dema ragihandina xwerêveberiyan de alîkarî bir ji Amed, Sûr, Cizîr, Farqîn û Dêrsimê û li van deveran lêkolîn kirin, çavdêriyên xwe bi raya giştî ya Elman re parve kirin.

MÎLZ: DEWLET SIVÎLAN QETIL DIKE, GEL LI BER XWE DIDE

Mîlz wêneyên bi xwe kişand pêşkêş kir û got, "Li Silopiyayê cesedê jineke ji aliyê dewletê ve hat qetilkirin hefteyekê li naverastê ma. Di hevdîtinên me pêk anîn û bûyerên me dîtin de xuya dikir, ku gelê Kurd neçar bû xwe biparêze. Ji sedî 80-90 ên li wir şer dikin gelê sivîl ê li wê herêmê ye." Mîlz wêneyê şehîdgeha li Dêrsimê jî nîşan da û got, "Ji ber ku li vê derê milîtanên Parîzan û PKK'yî hene, dewleta Tirk bombe lê barand."

Ercan Ayboga yê ku di karên derve yên Şaredariya Bajarê Mezin a Amedê de dixebite got, "Yê ku îro li Kurdistanê şer dike gel e. PKK di nava vê de nîne. Sempatîzanên ciwanan ên PKK'ê û gel e."

Ayboga her wiha bibîr xist ku 9 hezar xebatkar û endamên HDP û DBP'ê hatin girtin û ji Elmanya û Ewropayê xwest di vî warî de baldar be.

Beşdarên panelê jî bang li dewleta Elmanya kirin ku qedexeya li ser PKK'ê rake.