Li bajarê Stûttgartê yê Elmanyayê rûniştina darizandina siyasetmedar û çalakgerên Kurd Veysel S., Agît K., Evrîm A, Ozkan T. û Cîhan A. roja Pêncşemê li eywana girtîgeha Stamheîmê hate kirin.

Rûniştinên di 16’ê Nîsanê û 8’ê Gulanê di qefesa cam de hatibû kirin û ji ber problema wergêr û teknîkê nîqaş hatibûn kirin.

Ji ber îtîrazên di rûniştinan de heyeta dadgehê siyasetmedar ji qefesên cam derxist û ew li ba parêzeran bi cih kir. Bi vê re problema wergêr jî hate çareserkirin.

Eymana dadgehê êdî ji du beşan pêk tê. Di beşa yekemîn de heyeta dadgehê, parêzer û wergêr hene, di beşa din de jî çavdêr û guhdar hene.

Di rûniştina dozê de dozger di îddînamayê de qala çalakiyên PKK’ê yên li Tirkiyeyê kir û cih da îtîrafên kesê bi navê Ridvan O. Îddîname xwe dispêre kesê ku di dadgehê de ne amade ye.

Piştî xwendina îddîanameyê navber hate dayîn û ew ê piştî nîvro rûniştin bidome.