Li bajarê Elmanya Stûttgartê, bi armanca şermezarkirina Qirkirina Dersimê û bîranîna qurbaniyan, çalakiyek hat lidarxistin.

Çalakiya bîranînê li Meydana Schlossplatzê duh êvarê ji aliyê DGB û FDG ve hat organîzkirin û daxwaz ji Tirkiyeyê hat kirin, ku qirkirinê qebûl bike.

Di çalakiyê de pankartên mezin ên bi zimanên Kurdî, Elmanî û Tirkî hatin vekirin, wêneyên kesên di Qirkirina Dersimê de hatin qetilkirin û pankarta bi nivîsa "Em hemû Dersimî ne", "Qirkirin sûcê li dijî mirovahiyê ye" hatin hilgirtin.

Nûnerên saziyan li vir peyivîn û xwestin qirkirin bi rengekî fermî were qebûlkirin. Qisekeran diyar kirin, li Bakurê Kurdistanê pêkanînên zîhniyeta qirkirinê hînê dewam dike û hewldana çêkirina 'kampa çeteyan' li Terolar a Mereşê şermezar kirin. Nûneran li dijî zîhniyeta qirkirinê banga yekîtî û berxwedanê kirin.