Ji ber ku ji Îlona 2016’an û vir ve ji Rêberê Gelê Kurd Abdullah Ocalan agahî nayên stendin û di serê Cotmeha vê salê de nûçeyên qirêj hatibûn weşandin, fikarên gelê Kurd zêdetir dibe. Ji bo ku CPT biçe Îmraliyê li Strasboûrgê çalakî hatibû lidarxistin û vê çalakiya rûniştinê di roja 34’emîn de didome.

Kurdistanî û dostên wan eleqeyeke germ nîşanî çalakiyê didin û îro jî rejîsorê Fransiz Lûîs Mîranda hate serdana çalakiyê. Mîranda di serdana xwe de diyar kir ku tecrîda li ser Ocalan nayê qebûlkirin û ew ê her dem bi gelê Kurd re be.

Komîteya Amadekar diyar kir ku heta ku ew bigihêjin encamê wê çalakiya xwe bidomînin û hemû Kurdistanî vexwendin qada çalakiyê.