Polîsên Tirk li Sancaktepeyê êrîşî endamên Partiya Sosyalîst a Bindenstan (ESP) kirin, ku li dijî terora dewletê ya li Kurdistanê nobedê digirin. Hevseroka HDP'ê ya Sancaktepeyê Dîlek Keskîn jî di nav de 5 kes hatin binçavkirin.
Rêxistina ESP'ê ya Sancaktepeyê, li dijî terora dewletê ya li Kurdistanê, di çarçoveya kampanya "Li dijî şerê qesrê, berxwedana gelan" li pêşiya Kolana Sarigazî Demokrasî kon veda û dest bi "nobeda mirovahiyê" kir.
Piştî ku endamên ESP'ê kon vedan, polîsên Tirk ji wan xwestin ku kon rakin, naxwe ew ê dest li wan werdin. ESP'yiyan jî gotin ku ew ê kon ranekin. Li ser vê yekê polîsan êrîşî komê kirin û Gengul Guneş Balî, Tolga Karaçakar, Onûr Demîr, Ûmût Can Keleş û Hevseroka HDP'ê ya Sancaktepeyê Dîlek Keskîn kirin binçavan.
