Serokwezîrê berê yê Îtalyayê Mateo Renzî serdana bajarê Lîvorno yê Îtalyayê kir. Serokê Hevya Sor a Kurdistanê Alîcan Yildiz dosyayek li ser êrîşên qirkirinê yên dewleta Tirk ên li ser Efrînê radestî Renzî kir.

Di dosyayê de hate ragihandin ku ev 5-6 sal in bi taybetî li dijî Kurdan li Sûriyeyê komkujî tê kirin û bal hate kişandin ser berxwedana mezin a Kurdan a li dijî van êrîşan.

Siyasetmedarê Îtalyanî Renzî ji Yildiz re got ku haya wî ji rewşa li Efrînê heye û bêdengiya Ewropayê jî cihê fikaran e.

Renzî got, "Di demeke nêz de wê her kes hemû guhertinan bibîne" û daxwaza serketinê ji gelê Kurd re xwest.