Li peravê Mûglayê bota koçberan noqî avê bû: 2 kes mirin
Hat ragihandin ku li peravê navçeya Fethiye ya Mûglayê bota lastîk a ku dê derbasî giravên Yewnanistanê biba, noqî avê bû û di encamê de 2 koçberan jiyana xwe ji dest dan.
Tîmên ewlehkariyê yên ku li ser îxbarekê sewqî herêmê hatin kirin, ragihandin ku di bota lastîk de 58 koçber rizgar kirine, 2 koçberan jiyana xwe ji dest dan û 2 jî birîndar bûn.
Hat diyarkirin ku birîndar birine Nexweşxaneya Dewletê ya Fethiyeyê.
Li gorî agahiyên hatine girtin, koçberên din hatin şandina Midûriyeta Îdareya Koçê ya Bajar.
