Li Mûsilê nexweşxaneyeke zanîngehê ji DAIŞ'ê hat standin
Hêzên Iraqî di operasyona Mûsilê de bi pêş ve diçin. Nexweşxaneyek li nêzî herêma Mûsil a kevn, ji çeteyên DAIŞ'ê hate standin.
Beşeke mezin a bajarê Mûsilê ji çeteyên DAIŞ'ê hatiye rizgarkirin. Lê li herêma Mûsil a kevn şer hê dewam dike.
Hêzên ser bi Wezareta Karên Hundir nexweşxaneya zanîngeha Îbn Sîna û gelek cihên ser bi nexweşxaneyê ve kontrol kirin. Li gorî general Raîd Şakir Cewdet ê ser bi polîsê federal ve, taxa El Şîfa ku nexweşxane lê ye bi temamî ji çeteyên DAIŞ'ê hatiye paqijkirin.
