Merasîma bîranînê bi wesîleya 21-28'ê Adarê Hefteya Lehengiyê ji aliyê Saziya Malbatên Şehîdan û Navenda Civaka Demokratîk a Kurd ve hat lidarxistin. Merasîmê bi deqeyeke rêzgirtinê ji bo bîranîna şehîdên şoreşê destpê kir.

Li ser navê Saziya Malbatên Şehîdan Lokman Aslan axivî û bal kişand ser mîrateya şehîdan ji civaka Kurd re hiştine. Aslan diyar kir, civaka Kurd bi saya şehîdan îro bûye xwedî destketiyên mezin û got, "Di serî de Egîd, Mazlûm, Rahşan, Zekiye, Ronahî û Bêrîvan, bi saya bi hezaran hevalan em îro gihaştine vê astê."

Li ser navê Navenda Civaka Demokratîk a Kurd Ramazan Ozuak peyivî û şehîdên meha Adarê bibîr anî. Ozuak ji jiyan û sekna pêşeng a Mahsûm Korkmaz (Egîd) mînak nîşan da û girîngiya Hefteya Lehengiyê ji bo Kurdan vegot.

Merasîma bîranînê ku bi qasî 100 kes beşdar bûn bi qîrîna dirûşmên "Bijî Serok Apo" û "Şehîd Namirin" bi dawî bû.