Li Kopenhagê dagirkeriya Tirk hate şermezarkirin
Li paytexta Danîmarka Kopenhagê, dagirkeriya dewleta Tirk ya li Efrînê bi mîtîngekê hate şermezarkirin.
Çalakiya li Kopenhagê li ser banga Ciwanên Azad hate lidarxistin. Mîtîng li navenda Vesterbro Torv bi dirûşmeya ‘Efrîn ne bi tenê ye’ û bi deqîqeyek rêzgirtina ji bo bîranîna kesên di têkoşîna azadiya Kurdistanê de jiyana xwe ji dest dayîn, dest pê kir.
Di mîtîngê de peyamên Platforma Efrîn û Ciwanên Azad hate xwendin. Mîtîng bi dirûşmeya ‘Şehîd Namirin’ , ‘Efrîn ne bi tenê ye’ û ‘Bijî Berxwedana Efrînê’ bi dawî bû.
