Li gel pevçûnên dijwar ên li rojhliatê Kobanê, çeteyên DAIŞ'ê xwestin bi wesayîteke bombebarkirî êrîşekê bikin. Êrîş, bi îmhakirina wesayîta bombebarkirî ji aliyê hêzên YPG'ê ve hat astengkirin.

Li eniya rojhilat a Kobanê, di navbera hêzên YPG/YPJ û çeteyên DAIŞ'ê de bi dijwarî şer dewam dike.

Çeteyên li pêşberî berxwedana mezin a hêzên YPG/YPJ'ê tengav bû, îro danê êvarê hewl dan bi wesayîteke bombebarkirî êrîşê bikin.

Şervanên YPG/YPJ ên bi êrîşê hesiyan, gule li wesayîtê barandin û wesayîta bi bombeyan barkirî îmha kirin. Di dema îmhakirina wesayîtê de gelek çeteyên li derdor û nêzî wesayîtê hatin kuştin. Der heqê hejmara miriyan de agahiyeke zelal bi dest neket.