Di êrîşa çeteyên DAIŞ'ê ya bi çekên giran de, duh li Kobanê sivîlekî bi navê Ehmed Mihemed Îsmaîl jiyana xwe ji dest da.

Çeteyên DAIŞ'ê yên li hemberî hêzên YPG/YPJ'ê derbên giran dixwin, êrîşên xwe yên bi çekên giran ên li hemberî sivîlan dewam dikin. Di êrîşa duh a çeteyan de li Kobanê welatiyê sivîl ê bi navê Ehmed Mihemed Îsmaîl ê 48 salî jiyana xwe ji dest da. Di êrîşa bi çekên giran a li rojavayê bajêr de bavê 6 zarokan Îsmaîl ê ji gundê Xurxurê bi giranî birîndar bû û li nexweşxaneyê jiyana xwe ji dest da. Cenazeyê Îsmaîl duh êvarê hat veşartin.

Çeteyên DAIŞ'ê yên derban ji YPG/YPJ'ê dixwin, di rojên dawî de êrîşên xwe yên bi hawan û topan ên li hemberî navenda bajêr û herêma Til Şeîr li dijî sivîlan zê dekirin. Di êrîşa hawanan a beriya çar rojan de li Til Şeîr û navenda bajêr, zarok jî di nav de 4 sivîlan jiyana xwe ji dest dabûn, 16 kes jî birîndar bûbûn.