Li Îzmîrê Serokê AKP’a navçeyê jî di nav de gelek AKP’yiyan çek li HDP’yiyan kişandin. Polîsên hatin cihê bûyerê bi gaza îsotan êrîşî HDP’yiyan kirin.

Li dibistana Îmam Hatîp a Bayrakli ya li Taxa Emek a navçeya Bayrakli ya Îzmîrê dema dengdayînê Serokê AKP’a navçeyê û gelek AKP’yî hatin êrîşî HDP’yiyan kirin. Ji muşahidên HDP'yî re gotin, “Kartên we yên muşahidiyê derbas nabin”, xwestin kartan jêkin û çek li HDP’yiyan kişandin. Piştî hejmara HDP’yiyan zêde bû AKP’yiyan wesayîtên xwe hiştin û reviyan.

POLÎSAN JÎ ÊRÎŞ KIRIN

Polîsên hatin cihê bûyerê jî bi gaza îsotan êrîşî HDP’yiyan kirin. Di êrîşê de Serokê Rêxistina HDP’ê ya Bayrakli Cesîm Altindag û muxtarê Taxa Emek birîndar bûn.