Li bajarê Nijmegenê yê Hollandayê, bi pêşengiya KOMAW’ê çalakiya Hefteya Lehengiyê hate lidarxistin.

Bername piştî xwarinê bi rêzgirtinê dest pê kir. Piştre sînevîzyona li ser jiyana Mazlûm Dogan û Mahsûm Korkmaz hate nîşandan. Di heman demê de qala şehadeta Zekiye, Rehşan, Ronahî, Bêrîvan û Sema Yuceyê jî hate kirin.

Rûbar Şîno, Ayten Adlim û Sureyya Atasoy helbest xwendin, hevserokên Meclîsa Gel a Herêma Arnhemê Meral Atasoy û Abdulkerîm Atasoy jî li ser girîngiya rojê û pêvajoyê axivîn.

Hevserokê DEM-NED’ê Huseyîn Koca, Hefteya Lehengiyê, pêvajoyên dawîn û referandûma di 16’ê Nîsanê de nirxand.

Dîsa di axaftinên li ser navê DEM-NED û HDK-E/NL’yê de hatin kirin, ji bo piştgiriya li ‘NA’yê bangewazî hate kirin.