Li bajarê Hîlversûm ê Hollandayê ji bo ewlehî û tenduristiya Rêberê Gelê Kurd Abdullah Ocalan di pêşengtiya DEM-NED’ê de li ber avahiya televîzyona NOS’ê çalakiyek hate lidarxistin.

Çalakvan di saet 15:50'an de li bajara Hilversum ê Hollandayê li pêşya navenda televizyona dewleta Hollanda posterên Rêberê Gelê Kurd Abdullah Öcalan hildan û dirûşmên daxwaza azadiya Ocalan tê kirin qîr kirin.. Heyetek ku ji du kesan pêk dihat, dosyayek têkildarî tecrîda girankirî ya li ser Ocalan û armaca çalakiya wan pêşkêşî rêveberên televîzyonê kirin. Li ser vê yekê nûçegihanên televîzyonê bi nûnerên çalakiyê re axvivîn. Têkildarî çalakiyê nêrînên çalakvanan girtin.

Piştî axaftinan heyetê dosya radestî rayedarên televizyonê kirin, çalakî bi dirûşmên daxwaza azadiya Ocalan bi dawî bû.

Di dema balevbûna çalakvanan de polîsên Hollandayê dor li çalakvanan girtin û hewl dan nasnameyên hemû çalakvanan kontrol bikin. Polîsan rê li tirafîkê girtin û bi kûçikên xwe gef li çalakvanan kirin. Li ser vê helwesta kêfî çalakvanan nerazîbûn nîşan dan li ber xwe dan. Piştî demekê çalakî bi dirûşman bi dawî bû.