Li Hîndîstanê, li gelek eyaletan ji ber lêdana birûskan 9 jê zarok herî kêm 32 kesan jiyana xwe ji dest dan.

Wezîrê Rêveberiya Karesatan a Eyaleta Biharê Renû Kûmarî Kûşwaha da xuyakirin ku ji ber birûskên rojên Şemî û Yekşemê 7 jê zarok herî kêm 24 kesan jiyana xwe ji dest dan.

Berpirsyarê bajarokê Dhanbad ê eyaleta cîran Jarkhand Pûran Matho jî diyar kir ku 2 jê zarok 8 kesan ji ber birûskê jiyana xwe ji dest dane.

Ji ber ba û barana dijwar, li van eyaletan dar ji kokê rabûn û gelek malan xisar dîtin. Êvara Yekşemê xetên elektrîkê jî zerar dîtin.

Li Hîndîstanê di dema mûson a navbera mehên Hezîran û Cotmehê de timî bager rû didin, lê dawiya vê hefteyê windahiya mirovan giran bû.