Li Hênê piştî şerê malbatan, 5 xanî hatin şewitandin
Li navçeya Hênê ya Amedê malbatan li hemberî hev şer kiribûn û di vî şerî de çek jî hatibûn bikaranîn. Piştre bi şev 5 xanî hatin şewitandin.
Di 11’ê Adarê de li gundê Miqiriyo yê Hênêya Amedê du malbatan şer kiribûn.
Di vî şerî de yê ku hê sedema wê nehatiye zelalkirin Mûzaffer Kaya û kurê wî Necmettîn Kaya jiyana xwe ji dest dabûn. Di heman şerî de du kesên ku navê wan nehatiye zanîn jî birîndar bûbûn.
Şeva Sêşemê 5 xaniyên malbata hember hatin şewitandin. Piştî agahdarkirina gundiyan, jendirme û îtfaiye ji herêmê re hate şandin.
Hate diyarkirin bi îddîaya ku têkiliya wan bi vê bûyerê re heye, hinek kes ji bo îfadedayînê birine qereqolê.
